ბათუმის საქალაქო სასამართლომ ე.წ. კომენდანტის საათის დარღვევის გამო, ორი დღის წინ დაკავებული პირების საქმის განხილვა 12 აპრილის 14:00 საათზე გადადო.

სასამართლომ მხარეებს დამატებითი მტკიცებულებების წარსადგენად დრო მისცა.

დღევანდელ პროცესზე, მოწმეების და ასევე, იმ პოლიციელების დაკითხვა მოხდა, რომლებიც სამოქალაქო აქტივისტების დაკავების პროცესში იყვნენ ჩართული.

შეგახსენებთ, ბათუმში, სამოქალაქო მოძრაობა “სირცხვილიას" ოფისთან ორი დღის წინ, ხმაური იყო. როგორც მოძრაობის წევრები აცხადებენ, სამართალდამცველები შენობაში, სადაც ორგანიზაციაა განთავსებული, შევიდნენ და რამდენიმე პირი დააკავეს.