საგარეჯოს მუნიციპალიტეტში, ავტოსაგზაო შემთხვევის დროს რამდენიმე ადამიანი დაშავდა, მათ შორის სამი არასრულწლოვანი. შემთხვევა სოფელ მზისგულთან ცოტა ხნის წინ მოხდა.

ერთმანეთს საპირისპიროდ მოძრავი “სუბარუს”და “ლექსუსის” მარკის ავტომობილები შეეჯახა. შედეგად დაზიანებები მიიღეს მძღოლმა და მგზავრებმა.

დაშავებულები სასწრაფო დახმარების ჯგუფმა საგარეჯოს “ჯეოჰოსპიტალსის” კლინიკაში მოათავსეს. მათ ამ წუთებში შესაბამისი გამოკვლევები უტარდებათ.

მომხდარზე გამოძიება ტრანსპორტის მოძრაობის უსაფრთხოების ან ექსპლუატაციის წესის დარღვევის მუხლით დაიწყო.