გია ვოლსკი - IRI-ის კვლევაში რიგგარეშე არჩევნების საკითხზე ხმების გაყოფა დაპირისპირებულ მოსაზრებებს აჩვენებს, რასაც მისი ჩატარება უფრო გააღრმავებს-ეს ბრიუსელში და ვაშინგტონში ესმით, მაგრამ არ უნდათ, გაიგონ კახეთის გზატკეცილზე

IRI-ის კვლევაში რიგგარეშე არჩევნების საკითხზე ხმების გაყოფა იმ დაპირისპირებულ მოსაზრებებს აჩვენებს, რასაც რიგგარეშე არჩევნების ჩატარება კიდევ უფრო გააღრმავებს, გაამწვავებს და ქვეყნისათვის აუტანელს გახდის - ეს ბრიუსელში, ვაშინგტონში ესმით, მაგრამ არ უნდათ გაიგონ კახეთის გზატკეცილზე, - ამის შესახებ პარლამენტის პირველმა ვიცე-სპიკერმა გია ვოლსკიმ ჟურნალისტებს “საერთაშორისო რესპუბლიკური ინსტიტუტის“ კვლევის კომენტირებისას განუცხადა.

“როგორც ცნობილია, უმრავლესობას IRI-ის და NDI-ის კვლევების მიმართ ყოველთვის კრიტიკული დამოკიდებულება ჰქონდა და ამ კვლევებს ოპოზიცია ყოველთვის ენდობოდა. მათ ციფრებს განსაკუთრებით “ნაციონალური მოძრაობა“ იშველიებდა. NDI-ის კვლევამ უფრო მაღალი ციფრი აჩვენებს იმ უკმაყოფილო ხალხისა, ვისაც მიაჩნია, რომ დაპირისპირება პარლამენტში უნდა იყოს და მთავარი საკითხები პარლამენტში უნდა წყდებოდეს. გამოკითხულთა 45%-ში შეიძლება “ქართული ოცნების“ ბევრი მომხრეა, ვინც ამბობს: - ჩაატარეთ არჩევნები და ერთხელ და სამუდამოდ თავის ადგილზე დააყენეთ ეს ხალხი. მეორენი ფიქრობენ, პირიქით - “ნაციონალური მოძრაობა“ გაიმარჯვებს და იქნებ ამ გზით მოვიდნენ ხელისუფლებაში, როცა ქვეყანაში არეულობაა. არეულობა ჩვენი ოპონენტების ბანაკში მთავარი ტრენდია“, - განაცხადა გია ვოლსკიმ.

IRI-ის გამოკითხული მოქალაქეების 60% ოპოზიციური პარტიების მიერ საპარლამენტო საქმიანობის ბოიკოტირებას მხარს არ უჭერს. გამოკითხულთა 45% მხარს უჭერს რიგგარეშე არჩევნების ჩატარებას, ხოლო 45% - წინააღმდეგია.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება