ზვიად შალამბერიძე  საქართველოში უკრაინის ელჩს შეხვდა

იმერეთში სახელმწიფო რწმუნებული ზვიად შალამბერიძე საქართველოში უკრაინის ელჩს იგორ დოლგოვს შეხვდა. ამის შესახებ ინფორმაციას, იმერეთის სახელმწიფო რწმუნებულის ადმინისტრაცია ავრცელებს.

მათივე ცნობით, მხარეებმა ქვეყნებს შორის დიპლომატიურ და მეგობრულ ურთიერთობებზე, საქართველოსა და უკრაინის წინაშე მდგარ საერთო გამოწვევებზე იმსჯელეს.

„შეხვედრაზე ყურადღება გამახვილდა იმერეთის რეგიონთან თანამშრომლობის საკითხებზე. უკრაინის ელჩმა დეტალურად მოისმინა ინფორმაცია რეგიონის ტურისტული პოტენციალის, მიმდინარე ინფრასტრუქტურული და სხვა მნიშვნელოვანი პროექტების შესახებ.

საუბარი შეეხო სამომავლო ურთიერთანამშრომლობას და ერთობლივი პროექტების განხორციელების საკითხსაც. გარდა ამისა, სახელმწიფო რწმუნებულმა და უკრაინის ელჩმა ასევე რეგიონში და ზოგადად ქვეყანაში არსებულ ეპიდვითარებასა და იმუნიზაციის პროცესზე ისაუბრეს”,- ნათქვამია ინფორმაციაში.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული