აჭარაში, კორონავირუსის დაფიქსირების გამო, სამი საჯარო სკოლა სწავლების ონლაინ რეჟიმზე გადადის.

როგორც აჭარის ჯანდაცვის სამინისტროში "ინტერპრესნიუსს" განუცხადეს, კორონავირუსი ბათუმის ერთ და ქობულეთის მუნიციპალიტეტის ორ საჯარო სკოლაში გამოვლინდა.

უწყების ინფორმაციით, ეპიდემიოლოგებმა რისკები შეაფასეს და აღნიშნული სკოლების ადმინისტრაციას ონლაინ სწავლებაზე გადასვლის რეკომენდაცია მისცეს.

არსებული ინფორმაციით, კორონავირუსი ბათუმი მე-10 საბავშვო ბაღშიც გამოვლინდა. სიტუაციას ეპიდემიოლოგები სწავლობენ.

ამასთან, კორონავირუსის გამო, რეგიონის რამდენიმე სკოლის 10 -მდე კლასი დისტანციური სწავლების რეჟიმშია.