ჯანდაცვის სამინისტროში იმუნიზაციის საბჭოს სხდომა მიმდინარეობს

ჯანდაცვის სამინისტროში, იმუნიზაციის საბჭოს სხდომა მიმდინარეობს, სადაც იმ დამატებითი ჯგუფის განსაზღვრაზე მსჯელობენ, რომელსაც ვაქცინაციის პროცესში ჩართვა შეეძლება.

ამასთან, როგორც დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა, ვაქცინაციის საბჭოზე იმსჯელებენ, ჯანმო-ს ავტორიზაციამდე დაიწყება თუ არა ქვეყანაში ჩინური ვაქცინა „სინოფარმით" ვაქცინაცია.

სხდომას ჯანდაცვის მინისტრი ეკატერინე ტიკარძე ხელმძღვანელობს.

შეგახსენებთ, საქართველოში COVID-19-ის საწინააღმდეგო ვაქცინაციის პროცესი 15 მარტს დაიწყო. ქვეყანაში „ასტრაზენეკას“ ვაქცინის პირველი პარტია 13 მარტს შემოვიდა.

25 მარტს კი საქართველომ „ფაიზერის“ ვაქცინის 30 000-მდე დოზა მიიღო, რომლითაც აცრები 30 მარტიდან დაიწყო. აცრა შეძლებენ ის მოქალაქეები, რომლებიც ვებგვერდზე booking.moh.gov.ge დარეგისტრირდნენ და ვიზიტი დაჯავშნეს. დარეგისტრირება, სამედიცინო პერსონალთან ერთად, 25 მარტიდან შეუძლიათ 65 წელს გადაცილებულ მოქალაქეებსაც. 5 აპრილიდან კი ვაქცინაციის პროცესში 55 წელს გადაცილებული მოქალაქეები ჩაერთვნენ.

რაც შეეხება ჩინურ ვაქცინა „სინოფარმს“, ის საქართველოში 3 აპრილს შემოვიდა.