ანდრიუს კუბილიუსი - სამწუხაროდ, ახლა ვერ ვხედავთ მტკიცებულებას, რომ არა მხოლოდ მმართველი პარტია, არამედ ოპოზიციაც სერიოზულად მიიჩნევს დაპირებას, 2024 წელს ევროკავშირის წევრობაზე განაცხადის გაკეთებასთან დაკავშირებით

სამწუხაროდ, ახლა ვერ ვხედავთ მტკიცებულებას, რომ არა მხოლოდ მმართველი პარტია, არამედ ოპოზიციაც სერიოზულად მიიჩნევს დაპირებას, 2024 წელს ევროკავშირის წევრობაზე ოფიციალური განაცხადის გაკეთებასთან დაკავშირებით, - ამის შესახებ ევროპარლამენტარმა ანდრიუს კუბილიუსმა საქართველოს პოლიტიკის ინსტიტუტის მიერ ორგანიზებული ვირტუალური მრგვალი მაგიდის, სახელწოდებით: „ევროპარლამენტარების განცხადება საქართველოს შესახებ: ღია დისკუსია სამოქალაქო საზოგადოებასთან და მედიასთან“ მიმდინარეობისას განაცხადა, რითაც მან უპასუხა შეკითხვას, რამდენად რეალისტურად აფასებენ ევროპარლამენტარები საქართველოს მთავრობის მისწრაფებას, რომ ქვეყანამ 2024 წელს ევროკავშირის წევრობაზე შეიტანოს განაცხადი.

„მივესალმები მთავრობის გადაწყვეტილებას 2024 წლისთვის ევროკავშირის წევრობაზე ოფიციალური განაცხადის გაკეთებასთან დაკავშირებით. მმართველ პარტიასა და ოპოზიციას შორის შეთანხმების მთავარი ფაქტორი უნდა გახდეს, როგორ დააღწიონ თავი ამ კრიზისს და როგორ გააკეთონ ყველაფერი იმისთვის, რომ 2024 წელს ნაჩვენები იყოს, რომ საქართველო იდეალური ქვეყანაა დემოკრატიით, პოლიტიზირებული მართლმსაჯულების გარეშე და იმ ძირითადი პრობლემების გარეშე, რასაც დღეს ვხედავთ“, - განაცხადა ევროპარლამენტარმა.

მისი თქმით, ევროკავშირის წევრობაზე განაცხადის შეტანისთვის, საჭიროა მოქმედება.

„ჩემი რეცეპტი ძალიან მარტივია: მიჰყევით ევროკავშირის წევრობაზე ოფიციალური განაცხადის გაკეთების იდეას, მაგრამ გააკეთეთ საქმე და დაიწყეთ ამ საქმის გაკეთება ახლავე.

ქართველი პოლიტიკოსების მიმართ ჩემი რჩევა იქნება: მოეკიდეთ სერიოზულად ევროინტეგრაციას და გახსოვდეთ, რომ პოლიტიკური საზოგადოების უკან ასევე დგას საზოგადოება, რომელსაც ძალიან სურს, ევროატლანტიკური ინტეგრაციის გზაზე საქართველოს პროგრესი იხილოს“, - აღნიშნა ევროპარლამენტარმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით