აჭარაში კორონავირუსის საწინააღმდეგო ვაქცინაცია საერთო ჯამში 1457 პირმა გაიკეთა. როგორც აჭარის ჯანდაცვის სამინისტროში "ინტერპრესნიუსს" განუცხადეს, ვაქცინაცია რეგიონში აქტიურად მიმდინარეობს.

უწყების ინფორმაციით, კორონავირუსის საწინააღმდეგო ვაქცინა "ასტრაზენეკა" 700-მა, ხოლო "ფაიზერი” 757 -მა პირმა ჩაიტარა. უწყებაში ამბობენ, რომ ვაქცინაციასთან დაკავშირებით ჯავშნები გრძელდება.

ცნობისთვის, ვაქცინაციის პროცედურა ბათუმის რესპუბლიკურ საავადმყოფოსა და კლინიკა "მედცენტრში" მიმდინარეობს.