დავით ჭიჭინაძე - მელიას გათავისუფლება-არგათავისუფლებაზეა დამოკიდებული ევროპელ პარტნიორებთან თანამშრომლობა, ეკონომიკური და ფინანსური დახმარება
ნიკას გათავისუფლება-არგათავისუფლებაზეა დამოკიდებული, ჩვენ ევროპელ პარტნიორებთან თანამშრომლობა და ეკონომიკური და ფინანსური დახმარება,- ამის შესახებ პარტია „ტრიბუნას“ ლიდერი დავით ჭიჭინაძე აცხადებს.
მისი თქმით, ნიკა მელიას საკითხი პოლიტიკური გადაწყვეტილებაა.
„დღეს არა მარტო ნიკა მელიას და სასამართლოს ბედი წყდება საქართველოში, მთელი ქვეყნის ბედია ამ პროცესზე მიბმული, რადგან ყველამ იცის, რომ ეს არის პოლიტიკური გადაწყვეტილებების კასკადი და ყველაფერი „ქართული ოცნების“ კულუარებში წყდება. „ქართული ოცნება“ კი, ქვეყანას უფსკრულისკენ, ფინანსური, ეკონომიკური კატასტროფისკენ, ხალხის სიდუხჭირისკენ მიაქანებს.
სწორედ ნიკას გათავისუფლება-არგათავისუფლებაზეა დამოკიდებული, ჩვენ ევროპელ პარტნიორებთან თანამშრომლობა, ეკონომიკური და ფინანსური დახმარება!“- განაცხადა დავით ჭიჭინაძემ.
