სახალხო დამცველი ნინო ლომჯარია „ნამახვანჰესის“ მშენებლობის მოწინააღმდეგეებს ხვდება. ნინო ლომჯარია სოფელ გუმათში იმყოფებოდა, საიდანაც ნამახვანის მიმართულებით გადაადგილება შეზღუდულია.
ლომჯარია ხეობაში არსებულ ვითარებას პირადად ეცნობა. აქტივისტების თქმით, მათ გადაადგილების უფლება ეზღუდებათ.
ომბუდსმენის განცხადებით, აღნიშნული შეზღუდვების არანაირი საფუძველი არ არსებობს და გადაადგილების აკრძალვა არის არაპროპორციული.
ნინო ლომჯარიამ ისაუბრა კომპანია "ენკას" განცხადებაზეც. მისი თქმით, კომპანიამ საჯაროდ მიმართა თანამშრომლებზე ზეწოლის ფაქტებთან დაკავშირებით. სახალხო დამცველი განმარტავს, რომ აღნიშნულ ფაქტებს შეისწავლიან და შესაბამისი რეაგირება იქნება.