თელავის საავადმყოფოს დირექტორის მკვლელობისა და ერთი პირის დაჭრის ფაქტზე დაკავებული შსს-ს ყოფილი თანამშრომლის საქმეს ნაფიც მსაჯულები განიხილავენ

თელავის ცენტრალური საავადმყოფოს დირექტორის მვკლელობისა და კიდევ ერთი პირის დაჭრის საქმეზე ბრალდებული, თელავის პოლიციის ყოფილი თანამშრომლის საქმეს ნაფიც მსაჯულები განიხილავენ. გადაწყვეტილება წინა სასამართლო სხდომის მიმდინარეობისას გახდა ცნობლი.

საქმის ნაფიცი მსაჯულებისთვის გადაცემა ბრალდებულს და დაცვის მხარემ მოითხოვეს.

მანამდე კი, მხარეებმა მტკიცებულებების დასაშვებობაზე, აღკვეთის ღონისძიების შეცვლასა და საქმის არსებითად გადაცემაზე იმსჯელეს.

მოსამართლე თამარ კაბანაძემ აღკვეთი ღონისძიების სახით პატიმრობა ძალაში დატოვა.ხოლო,მტკიცებულებების ნაწილში დაკითხვის ერთი ოქმი დაუშვებლად ცნო.

პროცესს დისტანციურად ისმენდა თავად ბრალდებული ვანო ზანდარაშვილი.

ყოფილი პოლიციელის,ვანო ზანდარაშვილის წინააღმდეგ გამოძიება დამამძიმებელ გარემოებაში განზრახ მკვლელობის და სხეულის განზრახ მძიმე დაზიანების მუხლით მიმდინარეობს. მას მუხლი რამდენიმე დღის წინ 109-ე მუხლით დაუმძიმდა.

სახელმწიფო ბრალდება მას თელავის ცენტრალური საავადმყოფოს დირექტორის 38 წლის ზურაბ საჩიშვილის მკვლელობას და მერიის იურიდიული სამსახურის უფროსის დაჭრას ედავება. შემთხვევა გასული წლის 25 დეკემბერს მოხდა.

ნაფიცი მსაჯულების შერჩევის პირველი ეტაპი 15 აპრილს ჩაინიშნა.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული