ბადრი ჯაფარიძე - თუ სადმე პარტიული ინტერესი იქნება, რომლის დათმობაც საჭიროა კრიზისის გადასაჭრელად, უსიტყვოდ დავთმობთ

თუ სადმე პარტიული ინტერესი იქნება, რომლის დათმობაც საჭიროა კრიზისის გადასაჭრელად, უსიტყვოდ დავთმობთ, - ამის შესახებ „ლელო საქართველოსთვის“ ერთ-ერთმა ლიდერმა ბადრი ჯაფარიძემ "პალიტრანიუსის" გადაცემაში "360 გრადუსი" განაცხადა.

ჯაფარიძეს მაგალითად მოჰყავს IRI-ის კვლევა და აცხადებს, რომ კვლევის თანახმად, მოქალაქეთა 45 პროცენტს რიგგარეშე არჩევნები სურს. შესაბამისად, პარტიულ ინტერესებს რაც უკავშირდება, კომპრომისზე წავლენ, თუმცა კომპრომისი თანამოქალაქეების ინტერესების შეწირვის ხარჯზე ვერ იქნება.

ამასთან ჯაფარიძე აცხადებს, რომ კომპრომისი ადამიანების საპატიმროში დატოვებაზე ვერ იქნება.

„სადაც საუბარი იქნება პოლიტპატიმრებთან დაკავშირებულ საკითხებზე, აქ კომპრომისი არ შეიძლება იყოს. ადამიანების საპატიმროში დატოვებაზე კომპრომისზე ვერ წავალთ. არ არის სწორი, ეს ნიშნავს ადამიანებით ვაჭრობას. აქ ვერ იქნება კომპრომისი, გარდა იმისა, რომ ადამიანები უნდა გათავისუფლდნენ.

თუნდაც IRI-ის გამოკვლევაში ცალსახად არის ნათქვამი, რომ გამოკითხულთა 45 პროცენტი ამბობს, რომ რიგგარეშე არჩევნები უნდა. მეორე 45 პროცენტი ამბობს, რომ რიგგარეშე არჩევნები არ უნდა. კომპრომისი ის იქნება, რომ საერთოდ უარი ვთქვათ რიგგარეშე არჩევნებზე? - ამ 45 პროცენტის ინტერესების საწინააღმდეგოდ იქნება და არა პარტიული ინტერესების დათმობა. ჩვენ უნდა ვისაუბროთ ყველანაირ კომპრომისზე, გარდა ისეთი კომპრომისისა, რომელიც განხორციელდება ჩვენი თანამოქალაქეების ინტერესების შეწირვის ხარჯზე. ასეთ კომპრომისს არ მივიღებთ“, - აღნიშნა მან.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 12.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
კახა ოქრიაშვილი - 15 მაისის აქციის სამზადისში აქტიურად ვარ ჩართული