ბათუმში, აჭარის მთავრობის თავმჯდომარე თორნიკე რიჟვაძემ 9 აპრილის მემორიალი ყვავილებით შეამკო და გმირულად დაღუპული თანამემამულეები გაიხსენა.
თორნიკე რიჟვაძის თქმით, 9 აპრილი ქართველი ხალხის ერთობისა და თავგანწირვის დღეა.
გმირთა ხეივანში, 9 აპრილის მემორიალთან ადგილობრივი ხელისუფლების წარმომადგენლებიც იმყოფებოდნენ.
„9 აპრილი არის ჩვენი ქვეყნისთვის ერთი მხრივ, ძალიან დიდი ტკივილის დღე, ამავე დროს არის ქართველი ხალხის ერთიანობის და გმირული თავგანწირვის დღე. მნიშვნელოვანია, რომ ის ღირებულება, რომელიც ამ ხალხს აერთიანებდა, შევინარჩუნოთ და შევუნარჩუნოთ მომავალ თაობას“, - განაცხადა მთავრობის თავმჯდომარემ.