ბათუმში, შოთა რუსთაველის სახელობის სახელმწიფო უნივერსიტეტთან სხვადასხვა პოლიტიკური პარტიის ახალგაზრდული ორგანიზაციების წევრები და აქტივისტები შეიკრიბნენ. მათი განცხადებით, 1989 წელს ქვეყნის დამოუკიდებლობასთან ბრძოლას 21 ახალგაზრდა შეეწირა.
მათი თქმით, ოკუპაციასთან ბრძოლა დღემდე გრძელდება, რუსეთის მხრიდან ყოველდღიურად ხდება ადამიანების გატაცება და წამება. აქციის მონაწილეებმა ქვეყნის ოკუპაცია კიდევ ერთხელ გააპროტესტეს და მსვლელობით გმირთა ხეივანში გადაინაცვლეს, სადაც 1989 წლის 9 აპრილს ტრაგიკულად დაღუპულთა მემორიალი ყვავილებით შეამკეს.
ამასთან, აქციის მონაწილეებმა 15 მაისს ოპოზიციის მიერ დაგეგმილ, აქციასთან დაკავშირებით, მოქალაქეებს აქტიურობისკენ მოუწოდეს.