ზუგდიდში მოქალაქეებმა და სამოქალაქო აქტივისტებმა, ოკუპირებულ აფხაზეთში მცხოვრებლებისთვის დაწესებული 5-დღიანი კარანტინის გაუქმება მოითხოვეს
ზუგდიდში მოქალაქეებმა და სამოქალაქო აქტივისტებმა, ოკუპირებულ აფხაზეთში მცხოვრებლებისთვის დაწესებული ხუთდღიანი კარანტინის გაუქმება მოითხოვეს. ისინი ამბობენ, ენგური საზღვარი არ არის.
„მოვითხოვთ, ჩვენივე ტერიტორიაზე, ჩვენივე მოქალაქეებისთვის გაუქმდეს კარანტინი. თითქოს სიმბოლურია დღეს, რომ აქ ვდგავართ, ისევ ახალგაზრდები.
შეგვამჩნიონ, ჩვენ ვარსებობთ, არ შეიძლება ჩვენი მოქალაქეებისთვის დაწესდეს კარანტინი, ენგური საზღვარი არ არის. ეს არის ჩვენი ძირითადი გზავნილები",- ამბობს აქციის ერთ - ერთი მონაწილე მაკო ჭკადუა.
როგორც ცნობილია, ის პირები, რომელთაც ოკუპირებული აფხაზეთიდან საქართველოს ხელისუფლების კონტროლირებად ტერიტორიაზე გადმოსვლა სურთ, 5 - დღიანი სავალდებულო კარანტინის გავლა უწევთ.
