ბათუმში 50 წლამდე ქალი დაჭრეს. დაშავებული ბათუმის რესპუბლიკურ საავადმყოფოში არის მოთავსებული.

ექიმების ინფორმაციით, ქალს ჭრილობა გულ-მკერდის არეში აქვს მიყენებული.

მათივე თქმით, პაციენტის მდგომარეობა მძიმეა და მას ოპერაცია უტარდება.

„საკმაოდ მძიმე ოპერაცია უტარდება, იქნება ხანგრძლივი პროცესი და მისი დასრულების შემდეგ ქირურგი გვეტყვის ზუსტად რა დაზიანებები აღენიშნება პაციენტს და როგორია მისი ჯანმრთელობის მდგომარეობა“, - განაცხადა ექიმმა გია კიკაბიძემ.

ინციდენტის დეტალები ჯერჯერობით უცნობია.