რიონის ხეობაში ერთი აქტივისტი დააკავეს

რიონის ხეობაში ერთი აქტივისტის დაკავების გამო, იმერეთის პოლიციასთან მოძრაობა ,,რიონის ხეობის გადარჩენისთვის" აქტივისტები და მხარდამჭერები შეიკრიბნენ.
იმერეთის სამხარეო პოლიციის დეპარტამენტის თანამშრომლებმა ლაშა ქუთათელაძე წუხელ დააკავეს. ახლობლების ინფორმაციით, ქუთათელაძე წყალტუბოდან ნამახვანში ბრუნდებოდა, რა დროსაც ის პოლიციამ გააჩერა და უთხრა, რომ მას გზის აღნიშნულ მონაკვეთზე გადაადგილების უფლება არ ჰქონდა.
ლაშა ქუთათელაძე და მასთან ერთად მყოფი კიდევ ორი პირი თავდაპირველად ოფურჩხეთის პოლიციის განყოფილებაში გადაიყვანეს, საიდანაც მისი თანმხლები პირები გაფრთხილებით გაუშვეს, ქუთათელაძე კი პოლიციის მოთხოვნისადმი დაუმორჩილებლობის მუხლით, ადმინისტრაციული წესით დააკავეს. დაკავებულის ინტერესებს საია იცავს.
სასამართლო პროცესი დღეს გაიმართება.

























