„ევროპული საქართველოს“ ამოცანაა მუშაობაზე ფოკუსირება, მათ შორის პარტიაში ახალი სახეების მოწვევაზეც“,-ამის შესახებ „ევროპული საქართველოს“ გენერალური მდივნის მოადგილემ გიორგი კანდელაკმა ჟურნალისტებთან საუბრისას განაცხადა.
როგორც კანდელაკი აცხადებს, ყრილობის მონაწილეები პატივს სცემენ ყოფილი თანაგუნდელების, გიგი უგულავას და დავით ბაქრაძის გადაწყვეტილებას თანამდებობის დატოვებასთან დაკავშირებით.
„ყრილობის ყველა მონაწილე პატივს სცემს გიგის და დავითის გადაწყვეტილებას. რა თქმა უნდა, წარმატებას უსურვებს მათ. ახლა „ევროპული საქართველოს“ ამოცანაა მუშაობაზე ფოკუსირება, მათ შორის, პარტიაში ახალი სახეების მოწვევაზეც. მუშაობა იმისთვის, რომ ამ ურთულეს ვითარებაში, ქართულ პოლიტიკაში შემოვიტანოთ მეტი სიცხადე, წვლილი შევიტანოთ ქვეყნის რიგგარეშე არჩევნებამდე მიყვანაში. არა მხოლოდ ივანიშვილის რეჟიმის დასრულებაში შეიტანოს წვლილი „ევროპულმა საქართველომ“ , არამედ იმაში, რომ მთლიანად მმართველობის გადატვირთვა მოხდეს“,-აცხადებს კანდელაკი.
