ფოთში, მეტალურგიულ ქარხანაში მომხდარი შემთხვევის შედეგად  ორი ადამიანი დაშავდა

ფოთში, მეტალურგიულ ქარხანაში მომხდარი შემთხვევის შედეგად  ორი ადამიანი დაშავდა

ფოთში, ნაბადის უბანში მდებარე მეტალურგიულ ქარხანაში მძიმე სატვირთო ავტომანქანის საბურავი გასკდა, მომხდარის შედეგად ამავე საწარმოში დასაქმებული ორი მამაკაცი დაშავდა. სასწარაფო-სამედიცინო დახმარების ბრიგადამ ორივე მათგანი სხვადასხვა სახის დაზიანებებით კლინიკაში გადაიყვანა.

ექიმების ინფორმაციით, ერთ-ერთის მდგომარეობა მძიმეა.

,,ერთ დაშავებულს თავისა და სხეულის მრავლობითი დაზიანება აღენიშნება და მისი მდგომარეობა მძიმეა, მეორის მდგომარეობა კი შედარებით მსუბუქია“, - აცხადებენ ექიმები.

შემთხვევის ადგილზე მობილიზებული იყო პოლიცია.