ფოთში, მეტალურგიულ ქარხანაში დაშავებული ორი პირი ქუთაისის კლინიკაში გადაიყვანეს

ფოთში, ჭავჭავაძის ქუჩაზე მდებარე მეტალურგიულ ქარხანაში სამუშაო პროცესის დროს დაშავებული ორი ადამიანი სენაკის კლინიკა "არქიმედედან“ ქუთაისში შესაბამისი პროფილის სამედიცინო დაწესებულებაში გადაიყვანეს.

"არქიმედეს“ დირექტორის მარეხ ადანაიას თქმით, ერთი პაციენტი მართვით სუნთქვაზე იმყოფება. მისი შეფასებით, ორივე მათგანის მდგომარეობა მძიმეა.

"ორივეს აღენიშნებოდა სხეულზე სხვადასხვა სახის დაზიანებები, მიღებული ჰქონდათ ტრავმები, რომელსაც ჩვენთან ადეკვატური მკურნალობა ვერ გაეწეოდა. მდგომარეობა დამძიმდა და გადავიყვანეთ ქუთაისში. ორივეს ნეიროქირურგი და ის სამედიცინო სერვისები ესაჭიროებოდა, რაც ჩვენ არ გვაქვს. ერთი პაციენტი მართვით სუნთქვაზე იმყოფება“, - განუცხადა "ინტერპრესნიუსს“ მარეხ ადანაიამ.

შეგახსენებთ, გუშინ ფოთში, ჭავჭავაძის ქუჩაზე მდებარე მეტალურგიულ ქარხანაში სამუშაო პროცესის დროს ორი ადამიანი დაშავდა. არსებული ინფორმაციით, საწარმოში მძიმე სატვირთო ავტომანქანის საბურავი გასკდა და ახლოს მდგომი , ამავე საწარმოში დასაქმებული ორი მამაკაცი დაშავდა.

შსს-ს ინფორმაციით, მომხდართან დაკავშირებით გამოძიება დაწყებულია 170-ე მუხლით, რაც შრომის უსაფრთხოების წესების დარღვევას გულისხმობს.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს