კასპის მუნიციპალიტეტში, სადაც კორონავირუსით ინფიცირების შემთხვევათა მკვეთრად მატების გამო, პოლიციის სამი საგუშაგო მოეწყო, ბოლო 24 საათში მხოლოდ შვიდი დადასტურებული შემთხვევა გამოვლინდა, - ამის შესახებ კასპის საზოგადოებრივი ჯანდაცვის ცენტრის ხელმძღვანელმა ნანა ნონიაშვილმა განაცხადა.

"სტაბილური მდგომარეობა ნარჩუნდება. ბოლო 24 საათში გაიტესტა 106 პირი, აქედან სულ შვიდი დადასტურებული შემთხვევა გვაქვს. აღნიშნული შემთხვევებიდან, ორი ქვემო ჭალა-იგოეთი კლასტერიდანაა. ვაგრძელებთ დაკვირვებას, გრძელდება პოლიციის პუნქტებზე თერმოსკრინინგი.

სოფლებში, სადაც ინფიცირების შემთხვევათა მატება შეინიშნებოდა, თვითიზოლაციაში რჩება 72 ადამიანი. დღეს დილით დამატებით გაიტესტა კიდევ 20 პირი", - განაცხადა კასპის საზოგადოებრივი ჯანდაცვის ცენტრის ხელმძღვანელმა ნანა ნონიაშვილმა.