შსს-ს წარმომადგენელი - მეტ-ნაკლებად მშვიდობიან ვითარებაში მოხდა კარვების აღება - აქციის ორგანიზატორებს შევთავაზეთ, რომ კარვებს ჩავიტანდით გუმათთან, სადაც შეუძლიათ დადგან

იმერეთის სამხარეო პოლიციის უფროსის სულხან თამაზაშვილის განცხადებით, სოფელ ნამახვანთან აქციის ორგანიზატორებს შესთავაზეს, რომ კარვებს პოლიცია სოფელ გუმათთან ჩაიტანს.

შსს-ს წარმომადგენელმა კიდევ ერთხელ განმარტა, რატომ დადგა აუცილებლობა ტერიტორიიდან კარვების აღების.

მისივე ინფორმაციით, გრძელდება გუშინ გაუჩინარებული მამაკაცის სამძებრო სამუშაოები.

„სამაშველო სამუშაოები რთულ მეტეოროლოგიურ პირობებში გრძელდება. სამწუხაროდ, ამ დრომდე ვერ იქნა ნაპოვნი ნიკა ანთიძე.

გამომდინარე გუშინდელი ფაქტიდან, ასევე ჩვენი მეტეოროლოგები გვიწინასწარმეტყველებენ ამინდის კიდევ უფრო გაუარესებას, არის მოსალოდნელი მდინარე რიონის კალაპოტიდან გადმოსვლა, დავდექით აუცილებლობის წინაშე, რომ კარვები აგვეღო. მეტ-ნაკლებად მშვიდობიან ვითარებაში მოხდა კარვების აღება. ამ დროისთვის კარვები არის მანქანებზე დალაგებული.

აქციის ორგანიზატორებს შევთავაზეთ, რომ ჩავიტანდით გუმათთან, სადაც ამ დღემდე გრძელდება პროტესტი და ერთი კარავი აქვთ დადგმული. მიმდებარე ტერიტორიაზე შეუძლიათ ეს კარვები დადგან და მშვიდობიან ვითარებაში გააგრძელონ“, - განაცხადა შსს-ს წარმომადგენელმა, სულხან თამაზაშვილმა.

შსს-ს ინფორმაციით, სოფელ ნამახვანის მიმდებარედ, რიონის წყლის დონე სასიგნალო ნიშნულს აღემატება, რის გამოც მიიღეს გადაწყვეტილება, ზონიდან კარვების გატანისა და მოქალაქეების უსაფრთხო ადგილას გადაყვანის შესახებ. განცხადებაში საქართველოს შინაგან საქმეთა სამინისტრო მოუწოდებს აქციის მონაწილეებს დაემორჩილონ პოლიციის კანონიერ მოთხოვნას.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!