უხვმა ნალექმა გუდამაყრის ხეობის რამდენიმე სოფელს პრობლემები შეუქმნა

დუშეთის მუნიციპალიტეტში მოსულმა ძლიერმა ნალექმა გუდამაყრის ადმინისტრაციული ერთეულის-ბაკურხევის ექვს სოფელს პრობლემები შეუქმნა.

როგორც "ინტერპრესნიუსს" დუშეთის მუნიციპალიტეტის მერიიდან აცნობეს, მდინარე არაგვის ადიდებამ საავტომობილო გზის დაზიანება გამოიწვია, რამაც სოფლები გარე სამყაროს მოწყვიტა.

მერიის ინფორმაციით, ბაკურხევის ექვს სოფელთან დაკავშირება ამ ეტაპზე მხოლოდ ქვეითად მოსიარულეთათვის არის შესაძლებელი, მდინარის ადიდების შედეგად დაზიანებულია ელექტროგადამცემი ხაზებიც, რის გამოც სოფლებს არ მიეწოდებათ ელექტროენერგია.

მათივე ცნობით, სტიქიის ზონაში იმყოფებოდნენ მცხეთა-მთიანეთის მხარის სახელმწიფო რწმუნებული დავით ნოზაძე და დუშეთის მუნიციპალიტეტის მერის პირველი მოადგილე ბესიკ ბიჩნიგაური, სადაც სტიქიის შედეგად დატბორილი ტერიტორია და დაზიანებული გადამცემი ხაზები დაათვალიერეს.

რწმუნებულის განცხადებით, წყლის დონის დაწევის შემდეგ ადგილზე დაზიანებული ინფრასტრუქტურის აღდგენითი სამუშაოები დაიწყება.

„წყალმა დააზიანა საავტომობილო გზა და მაღალი ძაბვის გადამცემი ხაზები. შესაბამისად, 6 სოფელს არ მიეწოდება ელექტროენერგია. როგორც კი მეტეოროლოგიური პირობები მოგვცემს საშუალებას, დაიწყება დაზიანებული გზისა და ელექტროგადამცემი ხაზების აღდგენითი სამუშაოები. ამ დროისთვის სოფლებში ორი ოჯახი იმყოფება. მათთან გვაქვს მუდმივი კომუნიკაცია, რაიმე განსაკუთრებული საჭიროება არ გააჩნიათ“, - განაცხადა დავით ნოზაძემ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია