რიონის ხეობაში, „გუმათჰესის“ მიმდებარე ტერიტორიაზე, სადაც „ნამოხვანჰესის“ მოწინააღმდეგები არიან შეკრებილები, ვითარება დაძაბული იყო.

საპროტესტო აქციის მონაწილეებსა და სამართალდამცველებს შორის სიტყვიერი და მცირე ფიზიკური დაპირისპირებაც მოხდა, თუმცა, სიტუაცია ადგილზე უკვე განმუხტულია.

აქციის მონაწილეები აცხადებენ, რომ მათ არ უნდა შეეზღუდოთ გადააგილების უფლება „ნამახვანჰესის“ მიმართულებით, რასაც პოლიციის მიერ გაკეთებული კორდონი ხელს უშლის.

“169 დღეა აქ ვდგევართ. ეს პროექტი არ არის ქართველი ხალხის ნება. ვერ შეძლებს კომპანია „ენკა“ აქ პროექტი განახორციელოს. ეს ეწინააღმდეგება ჩვენს საერთო ინტერესს, ქართველი ხალხის ინტერესს. დავდგეთ ერთ მუშტად“, - განაცხადა აქციის ერთ-ერთმა მონაწილემ.

აქციის მონაწილეები ამ დროისთვის კომაპნია „ენკას“ ერთ-ერთი შენობის მიმართულებით გადაადგილდებიან. თუმცა, ორგანიზატორები მათ პროტესტის მშვიდობიანი ფორმით ჩატარებისკენ მოუწოდებენ.