„ნამახვანჰესის“ მოწინააღმდეგები ქუთაისისკენ მანქანებით მსვლელობას გეგმავენ. ამის შესახებ ინფორმაცია აქციის მონაწილეებს ორგანიზატორებმა მიაწოდეს.

მათივე თქმით, ისინი ქუთაისში, ქალაქის ცენტრში მშვიდობიან მსვლელობას გამართავენ.

აქციის მონაწილეთა ნაწილი „გუმათჰესის“ მიმდებარე ტერიტორიაზე რჩება. ისინი საპროტესტო აქციას აგრძელებენ. ამ დრომდე გადაკეტილია საავტომობილო მოძრაობა.

ადგილზე კვლავ მობილიზებულია საპატრულო პოლიცია.