აჭარის ფინანსთა და ეკონომიკის მინისტრი - ბათუმის ბულვარის დირექტორის გათავისუფლება აუდიტის დასკვნის საფუძველზე მოხდა

ბათუმის ბულვარის დირექტორის გათავისუფლება სახელმწიფო აუდიტის დასკვნის საფუძველზე მოხდა, - ამის შესახებ აჭარის ფინანსთა და ეკონომიკის მინისტრმა ჯაბა ფუტკარაძემ ბრიფინგზე განაცხადა.

მისი თქმით, დასკვნის საფუძველზე ირკვევა, რომ ბიუჯეტის სახსრების არამიზნობრივი ხარჯვა მიმდინარეობდა.

„მნიშვნელოვანია, რომ ეს გადაწყვეტილება არ უკავშირდება ბულვარის დირექტორის მიერ გაკეთებულ საჯარო განცხადებებს. ირაკლი ჯინჭარაძემ საზოგადოებაში გარკვეული იმუნიტეტის შექმნის მიზნით განცხადებები გააკეთა. აუდიტის დასკვნის საუძველზე აღძრულია საქმე და მიმდინარეობს გამოძიება. აუდიტის დასკვანა 2019 წლის საქმიანობას ეხება, რომელიც 2020 წლის ბოლოს მივიღეთ. შესაბამისი პროცედურების გათვალისწინებით, საქმის ძიება მიმდინარე წელს დაიწყო. საზოგადოებამ განსაზღვროს, ირაკლი ჯინჭარაძის მიერ ბათუმის საკრებულოში გაკეთებული განცხადებები ამ დროში დაემთხვა თუ ჰქონდა კონკრეტული მიზეზი", - განაცხადა ჯაბა ფუტკარაძემ.

ცნობისთვის, 30 მარტს, ბათუმის საკრებულოში სხდომა ხმაურის ფონზე ჩატარდა. უმრავლესობის წევრებს ბათუმის ბულვარის მოქმედი დირექტორი ირაკლი ჯინჭარაძე დაუპირისპირდა. მან სიტყვით გამოსვლა ითხოვა და განაცხადა, რომ ბულვარის ტერიტორიაზე ერთ-ერთი სასტუმროსთვის პლაჟის ნაწილის 15 წლით იჯარით გადაცემა არ უნდა მოხდეს. მან აღნიშნა, რომ ეს გადაწყვეტილება დანაშაული იქნება.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია