სალხინოს ამბროსი ხელაიას სახელობის სკოლა-პანსიონს რელიგიის სახელმწიფო სააგენტოსა და ქრისტიან ბაპტისტთა ეკლესიების კავშირის წარმომადგენლები სტუმრობდნენ

დღეს მარტვილის რაიონის სოფელ სალხინოს ამბროსი ხელაიას სახელობის სკოლა - პანსიონს რელიგიის საკითხთა სახელმწიფო სააგენტოსა და სახარების ქრისტიან ბაპტისტთა ეკლესიების კავშირის წარმომადგენლები ესტუმრნენ და სასწავლებლის მოსწავლეებს ჰუმანიტარული დახმარება, 170 ფუთა ტანსაცმელი და სასწავლო ნივთების 150 ყუთი გადასცეს.

ამის შესახებ „ინტერპრესნიუსს“ რელიგიის საკითხთა სახელმწიფო სააგენტოდან აცნობეს.

მათივე ინფორმაციით, საქველმოქმედო აქციაში მონაწილეობდნენ: რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე, თავმჯდომარის მოადგილე, გიორგი უკლება, საქართველოს ბაპტისტური ეკლესიების კავშირის აღმასრულებელი დირექტორი, ტარიელ პაპინაშვილი, კავშირის პრეზიდენტი, გიორგი კანდელაკი და ხუცესი ლევან ახალმოსულიშვილი.

ჭყონდიდის ეპარქიის მიტროპოლიტმა, მეუფე სტეფანემ, მადლობა გადაუხადა სტუმრებს, რომლებმაც თავის მხრივ განაცხადეს, რომ პანსიონს კვლავაც დაეხმარებიან.

რელიგიის საკითხთა სახელმწიფო სააგენტოს ინფორმაციით, ამბროსი ხელაიას სახელობის სკოლა-პანსიონში 176 ბავშვი სწავლობს, რომელთა უმრავლესობა სოციალურად დაუცველია. პანსიონი ჭყონდიდის ეპარქიის მიტროპოლიტ სტეფანეს (კალაიჯიშვილი) პატრონაჟით ფუნქციონირებს. საქველმოქმედო აქციას სააგენტო მეხუთედ ანხორციელებს.

პატრიარქის სააღდგომო ეპისტოლე
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს