გუმათში, სადაც „ნამახვანჰესის“ მოწინააღმდეგეები აქციას მართავენ, ხმაური იყო

რიონის ხეობაში, სოფელ გუმათთან კომპანია „ენკას“ სამშენებლო ბაზასთან ხმაური იყო. „ნამახვანჰესის“ მოწინააღმდეგეებმა ცოცხალი ჯაჭვიც გააკეთეს. დაპირისპირება აქციის მონაწილეებსა და სამართალდამცველებს შორის, კომპანია "ენკას" კუთვნილი მიკროავტობუსის გამოჩენის შემდეგ დაიწყო.

"ნამოხვანჰესის" მოწინააღმდეგეებმა არ გაატარეს ავტომობილი და მძღოლს ტერიტორიის დატოვებისკენ მოუწოდეს.

ხმაურის და დაპირისპირების შემდეგ, ავტომობილი უკან გააბრუნეს.

როგორც აქციის მონაწილეები აცხადებენ, მათი მიზანია კომპანია „ენკას“ სამშენებლო ტექნიკამ სამუშაოების განხორციელება ვერ შეძლოს.

ამასთან, აქციის მონაწილეების თქმით, მათ სურთ ტერიტორიაზე მშვიდობიანი გადაადგილება.

შსს-ს წარმომადგენელის განცხადებით კი, გამოხატვის თავისუფლება არ იზღუდება.

"მიმდინარეობს ნიკოლოზ ანთიძის ძებნა. ხეობაში არსებული ამჟამინდელი ვითარებიდან გამომდინარე, პოლიცია ვერ უზრუნველყოფს იქ საზოგადოებრივი წესრიგის დაცვას. გამოხატვის თავისუფლებას, რა თქმა უნდა, არ ვზღუდავთ. პოლიცია არის ამ მიმართულებით მოწოდების სიმაღლეზე. თქვენ შეგიძლიათ აქ გააგრძელოთ მშვიდონიანი პროტესტი",- განაცხადა პოლიციის წარმომადგენელმა.

ამ ეტაპზე ადგილზე შედარებით სიმშვიდეა, აქციის მონაწილეები მოქალაქეებს ავტომობილებით გადაადგილების უფლებას სპეციალური კორიდორის საშუალებით აძლევენ.

იხილეთ ვიდეო:გუმათში, სადაც "ნამახვანჰესის" მოწინააღმდეგეები აქციას მართავენ, ხმაური იყო

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია