"ნამახვანჰესის" მოწინააღმდეგეები რიონის ხეობაში, სოფელ გუმათთან კომპანია „ენკას“ სამშენებლო ბაზასთან ღამის გათენებას გეგმავენ.

მათ აღნიშნულ ტერიტორიაზე დღის მეორე ნახევარში მსვლელობით გადაინაცვლეს.

პროტესტის მონაწილეების განცხადებით, ისინი უფლებას არ მისცემენ კომპანია "ენკას" ტექნიკას, რომ ტერიტორიაზე შევიდეს და სამუშაოები ჩაატაროს.

შეგახსენებთ, დღეს კომპანიის ოფისთან ხმაური იყო. დაპირისპირება აქციის მონაწილეებსა და სამართალდამცველებს შორის, კომპანია "ენკას" კუთვნილი მიკროავტობუსის გამოჩენის შემდეგ დაიწყო, საბოლოოდ კი კომპანიის კუთვნილი ავტომობილი უკან გააბრუნეს. აქციის მონაწილეებს სპეციალური კორიდორი ჰქონდათ გაკეთებული და გადაადგილების საშუალებას მხოლოდ ადგილობრივებს აძლევდნენ.