აჭარაში 10 საჯარო სკოლა დისტანციურ რეჟიმში გადავიდა. როგორც აჭარის საზოგადოებრივი ჯანდაცვის ცენტრის დირექტორის მოადგილე ნონა ეფაძე აცხადებს, რომ ონლაინ რეჟიმში მყოფი 5 კლასი საკლასო ოთახში დაბრუნდა.

„აჭარაში კორონავირუსის შემთხვევების 80 პროცენტი სიმპტომიანი პირები არიან. საჭიროა მოსახლეობამ და თითოეულმა დაწესებულებამ რეკომენდაციები დაიცვას.

სასწავლო და სააღმზრდელო დაწესებულებებს რაც შეეხება, ამ კვირაში ქობულეთში ერთი სკოლა დაიხურა, სულ 10 სკოლაა დახურული. კვირის ბოლოსთვის რამდენიმე სკოლის გახსნას ველოდებით, დამოკიდებულია ეპიდსიტუაციაზე. ამასთან, ორი საბავშვო ბაღი დაიხურა. დიდი გამოხატული კლასტერები აჭარაში არ გვაქვს",- განაცხადა ნონა ეფაძემ