აქციის მონაწილეების ინფორმაციით, სამართალდამცველებს ე.წ.ჯაჭვის ხიდი აქვთ გადაკეტილი და თუ ავტომობილებით გავლის საშუალებას არ მისცემენ, გუმათისკენ მსვლელობას ფეხით გააგრძელებენ

ქუთაისში შეკრებილი მოქალაქეები „ნამახვანჰესის“ მშენებლობის წინააღმდეგ გუმათში მიმდინარე პროტესტის სოლიდარობის ნიშნად მსვლელობას მართავენ.

ისინი პარლამენტის ყოფილი შენობიდან სოფელ გუმათისკენ ავტომობილებით მიემართებიან.

აქციის მონაწილის დავით კუხიანიძის ინფორმაციით, სამართალდამცველებს გადაკეტილი აქვთ ე.წ. ჯაჭვის ხიდი და თუ ავტომობილებით გავლის საშუალებას არ მისცემენ, მსვლელობას გუმათისკენ, სავარუდოდ, ფეხით განაგრძობენ.

ცნობისთვის, პოლიციამ რიონის ხეობაში, „გუმათჰესთან“ რკინის ბარიკადები აღმართა. ამასთან, შეგახსენებთ, რომ „ნამახვანჰესის" მოწინააღმდეგეები გუშინ დღის მეორე ნახევარში „გუმათჰესის" მიმდებარე ტერიტორიიდან, სადაც კარვები ჰქონდათ გაშლილი, კომპანია „ენკას" ოფისთან გადავიდნენ. ისინი აცხადებდნენ, რომ კომპანიის კუთვნილ ავტომობილებს ტერიტორიაზე შესვლისა და სამუშაოების წარმოების საშუალებას არ მისცემდნენ. პროტესტის მონაწილეებმა ამ მიზნით, კორიდორიც გააკეთეს. ადგილზე ვითარება რამდენჯერმე დაიძაბა. სამართალდამცველები მათ მოუწოდებდნენ გზა გაეხსნათ და ტერიტორია გაეთავისუფლებინათ. გუშინ გვიან ღამით, შინაგან საქმეთა სამინისტროს თანამშრომლებმა, სოფელ გუმათში მიმდინარე საპროტესტო აქციაზე ადმინისტრაციულ სამართალდარღვევათა კოდექსის 173-ე მუხლით გათვალისწინებული სამართალდარღვევისთვის 6 პირი დააკავეს.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს