კახა კუჭავა - აშშ-ში ისურვებდნენ, რომ მოლაპარაკებები დასრულდეს, ოპოზიცია იხილონ პარლამენტში და ხელისუფლებამაც თავისი მხრიდან აიღოს ის პასუხისმგებლობა, რომელზეც ჩვენ თანხმობაც გვაქვს გაცხადებული

საპარლამენტო უმრავლესობის წევრის, პარლამენტის ვიცე-სპიკერის კახა კუჭავას განცხადებით, აშშ-ისთვის ძალიან მნიშვნელოვანია იხილიონ ძლიერი საქართველო, სადაც დემოკრატია კიდევ უფრო ვითარდება.

როგორც მან აშშ-ში ვიზიტისას განაცხადა, ისინი ისურვებდნენ, რომ მოლაპარაკებები საბოლოოდ დასრულდეს და ოპოზიცია იხილონ პარლამენტში.

„ქართული ოცნების“ თავმჯდომარის ვიზიტი ვაშინგტონში გუშინ დაიწყო. ძალიან წარმატებულად მიმდინარეობს. შეხვედრები გაიმართა და გაიმართება როგორც სენატორებთან, ასევე კონგრესმენებთან, სახელმწიფო დეპარტამენტის წარმომადგენლებსაც შევხვდით.

ძალიან მნიშვნელოვანია იმ საკითხების განხილვა, რომელიც საქართველოს ჭრილში მიმდინარეობს. პირველ რიგში, ეს რეგიონალური ფაქტორი, რომლის წინაშეც ჩვენი ქვეყანა დგას და რა თქმა უნდა, შიდაპოლიტიკური საკითხები. ჩვენთვის ყოველთვის მნიშვნელოვანია მოვისმინოთ ჩვენი ქვეყნის მეგობრების, სტრატეგიული პარტნიორების მოსაზრებები ამა თუ იმ საკითხთან დაკავშირებით, შესაბამისად, მათი რჩევები და გადაწყვეტილებები მივიღოთ. ამიტომ ეს შეხვედრები, რომელიც ერთი თვის წინაც განხორციელდა ვაშინგტონში, პანდემიური პაუზის შემდეგ, რა თქმა უნდა, გაგრძელდება.

ეს შეხვედრები მეტყველებს იმაზე, რომ ეს გადაწყვეტილება, რომელსაც ჩვენ ქვეყნის სასიკეთოთ ვიღებთ, რეგიონალურ ჭრილში მნიშვნელოვანი გადაწყვეტილებაა, მიუთუმეტს, გეოპოლიტიკური კომპონენტის გათვალისწინებით. ეს გადაწყვეტილებები ყოვლეთვის არის იმ რჩევებისა და კონსულტაციების შედეგად, რომელსაც ჩვენ ჩვენი სტრატეგიული პარტნიორების, ჩვენი მეგობრებისგან ვიღებთ.

მათთვის ძალიან მნიშვნელოვანია იხილიონ ძლიერი საქართველო, სადაც დემოკრატია კიდევ უფრო ვითარდება. შეხვედრისას ისინი, რა თქმა უნდა, შეეხნენ ყველა იმ მიმდინარე საკითხს, რომელიც დღეს ქვეყანაშია აქტუალური.

ამასთან, ისინი ისურვებდნენ, რომ ეს მოლაპარაკებები საბოლოოდ დასრულდეს, ოპოზიცია იხილონ პარლამენტში და რა თქმა უნდა, ხელისუფლებამაც თავისი მხრიდან აიღოს ის პასუხისმგებლობა, რომელზეც ჩვენი მხრიდან თანხმობაც გვაქვს გაცხადებული. დეტალებზეც ვისაუბრეთ თუ რა ნაბიჯებია გადადგმული და რა ნაბიჯების გადადგმას გეგმავს ხელისუფლება“, - განაცხადა კუჭავამ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია