ვარლამ გოლეთიანის განცხადებით, ორი პირობა აქვთ - დიალოგისთვის შეხვდნენ პრემიერს ან მის სპეციალურ წარმომადგენელს და „გუმათჰესთან“ რკინის ბარიკადები აიღონ

სოფელ გუმათში ჰესის მშენებლობის წინააღმდეგ აქცია ამ დრომდე გრძელდება. „რიონის ხეობის მცველებმა“ „გუმათჰესთან“ აღმართულ რკინის ბარიკადებზე გააკრეს ბანერები წარწერით - „საქართველო არ იყიდება, არა ნამოხვანჰესს“. როგორც „რიონის ხეობის მცველების“ ერთ-ერთმა წარმომადგენელმა ვარლამ გოლეთიანმა ჟურნალისტებს განუცხადა, მათ ორი პირობა აქვთ - დიალოგისთვის შეხვდნენ პრემიერ-მინისტრ ირაკლი ღარიბაშვილს ან მის სპეციალურ წარმომადგენელს, ასევე ადგილიდან აიღონ რკინის ბარიკადები, რათა პროტესტის გაგრძელება მშვიდობიან ფორმატში შეძლონ.

„ბარიკადებზე ძალით გადასვლას არ ვაპირებთ. ძალადობრივად არ ვცდილობთ არაფრის გადაწყვეტას. ვფიქრობთ, რომ მოსახლეობის მხარდაჭერა მთელ ამ პროცესში იმდენად დიდია, რომ ნამდვილად არ გვჭირდება არაფრის სროლა, რადგან ამ პრობლემას ისედაც გადავწყვეტთ, ჩვეულებრივად. ჩვენი სურვილია, რომ პროცესები არ შევიდეს ჩიხურ მდგომარეობაში, მათ შორის, ხელისუფლებისთვის და ჩვენთვისაც. ამიტომ, განმუხტვისათვის ჩვენ თვითონ მოვუწოდებთ, რომ რაღაც გააკეთონ, თუ გადმოდგამენ ამ ნაბიჯებს, განიმუხტება. არ გადმოდგამენ? მიიღებენ იმას, რასაც მიიღებენ“, - აცხადებს გოლეთიანი.

მისი განმარტებით, „რიონის ხეობის მცველები“ ეკონომიკისა და მდგრადი განვითარების მინისტრს ნათია თურნავას არ შეხვდებიან.

„იცით, რომ მუნიციპალიტეტის შენობაში უნდა განგვეხილა მიწის და ხელშეკრულების საკითხი, ამ საკითხზე კომპეტენტური პირი, მერაბ ლომინაძე არ არის და მას არ შევხვდებით. ასევე არ შევხვდებით ნათია თურნავას, იმიტომ, რომ ის შეხვედრიდან გაიპარა და შეურაცხყოფა მოგვაყენა. ამიტომ, თუკი მოვა გადაწყვეტილების მიმღები, ამ შემთხვევაში პრემიერ-მინისტრი ან გამოყონ და გამოუშვან ისეთი ადამიანი ვისაც ამ პრობლემის გადაწყვეტის ლეგიტიმაციას მიანიჭებენ“, - განაცხადა ვარლამ გოლეთიანმა.

იხილეთ ვიდეო:ვარლამ გოლეთიანის განცხადებით, ორი პირობა აქვთ - დიალოგისთვის შეხვდნენ პრემიერს ან მის სპეციალურ წარმომადგენელს და "გუმათჰესთან" რკინის ბარიკადები აიღონ

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 06.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“