ბორჯომის ზაქარია ფალიაშვილის სახელობის სამუსიკო სკოლა გაიხსნა

ბორჯომის ზაქარია ფალიაშვილის სახელობის სამუსიკო სკოლა საზეიმოდ გაიხსნა. ამის შესახებ ინფორმაციას ბორჯომის მერია ავრცელებს. მათივე ცნობით, შენობას სრული რეაბილიტაცია ჩაუტარდა.

სამუსიკო სკოლა სამცხე-ჯავახეთის რწმუნებულის მოადგილემ შალვა ბერძენიშვილმა, სამხარეო ადმინისტრაციის რეგიონული პროექტების კოორდინირების სამსახურის უფროსმა მარინა გაჩეჩილაძემ და ბორჯომის მერის მოვალეობის შემსრულებელმა დავით ზაალიშვილმა გახსნეს.

როგორც ბორჯომის მერიაში აცხადებენ, პროექტის ფარგლებში კეთილმოეწყო ყველა ოთახი, სრულად შეიცვალა საკონცერტო დარბაზის შიდა ინტერიერი, პირველადი იერსახე დაუბრუნდა ფასადს და განახლდა შიდა საკომუნიკაციო ქსელი. შენობაში ახალი ინვენტარი განთავსდა.

მათი ინფორმაციით, სამუშაოები რეგიონული განვითარების ფონდის დაფინანსებით ჩატარდა. შენობის რეაბილიტაციის ღირებულებამ 444 117 ლარი შეადგინა.

სამუსიკო სკოლა კულტურული მემკვიდრეობის ძეგლს წარმოადგენს. შენობაში სარემონტო სამუშაოები ბოლო 40 წელია არ ჩატარებულა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 14.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა