“საქსტატის“ აღმასრულებელი დირექტორი აჭარის ავტონომიური რესპუბლიკის მთავრობის თავმჯდომარეს შეხვდა

საქართველოს სტატისტიკის ეროვნულმა სამსახურმა რეგიონებში გასვლითი საინფორმაციო შეხვედრები დაიწყო.პირველი შეხვედრა საქსტატის აღმასრულებელმა დირექტორმა გოგიტა თოდრაძემ აჭარაში გამართა. ამის შესახებ “ინტერპრესნიუსს“ „საქსტატიდან“ აცნობეს.

მათივე ინფორმაციით, ქალაქ ბათუმში შეხვედრა აჭარის ავტონომიური რესკუბლიკის მთავრობის თავმჯდომარესთან, თორნიკე რიჟვაძესთან შედგა. შეხვედრაზე მხარეებმა ოფიციალური სტატისტიკის წარმოების ძირითადი მიმართულებები განიხილეს. ასევე, გაეცნენ საქსტატის გეგმებს, ასევე მომხმარებელთა მოთხვნები და საჭიროებები განიხილეს.

აჭარის მთავრობის თავმჯდომარესთან გამართული შეხვედრის შემდეგ, გოგიტა თოდრაძემ გაფართოებული შეხვედრა აჭარის მთავრობის წარმომადგენლებთან გამართა. შეხვედრას აჭარის მთავრობის ოთხივე მინისტრი, სსიპ-ების ხელმძღვანელი პირები, მუნიციპალიტეტების მერები, ადგილობრივი მმართველობის და თვითმმართველობის წარმომადგენლები ესწრებოდა.

„საქსტატის“ ცნობით, შეხვედრის მთავარ მიზანს ადგილობრივი მმართველობისა და თვითმმართველობისათვის „საქსტატის“ სამომავლო გეგმების გაცნობა წარმოადგენდა. ასევე მათი მოთხოვნებისა და საჭიროებების განსაზღვრა.

„საქსტატის“ აღმასრულებელი დირექტორის გოგიტა თოდრაძის განცხადებით, სტატისტიკური მონაცემების გამოყენება მნიშვნელოვან დახმარებას გაუწევს ადგილობრივ მმართველობას და თვითმმართველობას სწორი გადაწყვეტილებების მიღებაში. ამასთან, მსგავსი ტიპის საინფორმაციო შეხვედრები უზრუნველყოფს სტატისტიკური ინფორმაციის მომხმარებლების ინფორმირებულობას მათთვის საინტერესო საკითხებთან დაკავშირებით.

„უმნიშვნელოვანესი სამუშაო შეხვედრა შედგა საქსტატის წარმომადგენლებთან, აჭარა ეკონომიკური აქტივობით მეორე რეგიონია, შესაბამისად, მნიშვნელოვანია სწორი და გამჭვირვალე სტატისტიკის წარმოება, რათა შემდეგ პერიოდში მოხდეს პრიორიტეტული მიმართულებების სწორი პროგრამული დაგეგმარება და დაფინანსება“,- განაცხადა შეხვედრის შემდეგ აჭარის ფინანსთა და ეკონომიკის მინისტრმა ჯაბა ფუტკარაძემ.

„საქსტატი“ გეგმავს კონსულტაციები გამართოს ყველა რეგიონის ადგილობრივ მმართველობასთან და თვითმმართველობებთან, რაც გულისხმობს აქტიურ დიალოგს მომხმარებლებთან, მათი მოთხოვნებისა და საჭიროებების შესწავლას ინფორმაციული ვაკუუმის შევსებას.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია