„ქართული ოცნების“ ოფისთან დაკავებული აქტივისტის გიორგი მუმლაძის სასამართლო პროცესი მიმდინარეობს

თბილისის საქალაქო სასამართლოში "ქართული ოცნების“ ოფისთან პოლიციის თანამშრომლების მიმართ წინააღმდეგობისა და ფიზიკური შეურაცხყოფის ბრალდებით დაკავებული აქტივისტის გიორგი მუმლაძის სასამართლო პროცესი მიმდინარეობს.

როგორც სასამართლო სხდომის დაწყებამდე ადვოკატმა ირაკლი ჩომახაშვილმა განაცხადა, დღევანდელ პროცესზე ბრალდებულის მიმართ აღკვეთის ღონისძიების განსაზღვრის საკითხი იხილება. როგორც ადვოკატმა განმარტა, ინფორმაცია აქვს, რომ ბრალდება განიხილავს როგორც პატიმრობას, ასევე საპატიმრო გირაოს გამოყენებას და ამ ეტაპზე, ორივე აღკვეთის ღონისძიების დასაბუთებას ფიქრობს, თუმცა, კანონი ავალდებულებს, რომ აქედან ერთი უნდა შეარჩიოს.

ირაკლი ჩომახაშვილის განმარტებით, პოლიციელების მიერ მუმლაძის საქმეზე მიცემული ჩვენება სანდო არ არის. შესაბამისად, დაცვის მხარე იშუამდგომლებს, რომ გიორგი მუმლაძე დღეს აღკვეთის ღონისძიების გარეშე დარჩეს. ამასთან, ადვოკატი განმარტავს, რომ ბრალის შესახებ დადგენილება ტყუილს ეფუძნება და მუმლაძის მიმართ არაპროპორციული ძალაა გამოყენებული.

"ჩვენ, სისხლის სამართლის საქმეში მოვიპოვეთ ისეთი მტკიცებულებები,რომელიც პოლიციელების ჩვენებებთან წინააღმდეგობაში მოდის. ასევე ეს მტკიცებულებები მოპოვებული აქვს ბრალდების მხარესაც, რაც არის ვიდეოკამერების ჩანაწერი და რომელიც ყველაზე უტყუარია. იქ ჩანს, რომ გიორგი მუმლაძე ხელს არავის უქნევს, რამდენიმე პოლიციელი კი ამბობს, რომ მუმლაძე ხელს იქნევდა და სახეში მოარტყა, რაც არის ტყუილი",- განაცხადა ჩომახაშვილმა.

აქტივისტის მეუღლის ლელა რობაქიძის განცხადებით, გიორგი მუმლაძეს სრულიად აბსურდული ბრალდება წაუყენეს.

"როგორც ვიცით, პროკურატურა გიორაოს ითხოვს. თანხა ჯერ დაზუსტებული არ არის. გიორგის მხარდასაჭერად ანგარიში შეიქმნა, ის მას შემდეგ გასაჯაროვდება, როდესაც გვეცოდინება, რა ღონისძიებას გამოიყენებს სასამართლო. ამის შემდეგ გავასაჯაროვებთ ანგარიშის ნომერს, რითაც თანხას შევუგროვებთ გიორგის", - აცხადებს ლელა რობაქიძე.

შეგახსენებთ, გიორგი მუმლაძეს ბრალი ოფიციალურად 15 აპრილს წაუყენეს. შსს-ს ინფორმაციით, 14 აპრილს, პარტია „ქართული ოცნების“ ოფისთან მიმდინარე აქციაზე მუმლაძემ პოლიციის თანამშრომლებს, სამსახურებრივი მოვალეობის შესრულებისას წინააღმდეგობა გაუწია და ფიზიკური შეურაცხყოფა მიაყენა. გამოძიება სისხლის სამართლის კოდექსის 353-ე მუხლის 1-ლი ნაწილით მიმდინარეობს, რაც პოლიციის თანამშრომლებისთვის წინააღმდეგობის გაწევას გულისხმობს.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 06.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“