სემეკის თავმჯდომარე და წევრები „ენგურჰესზე“ მიმდინარე სარეაბილიტაციო სამუშაოებს გაეცნენ

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ და სემეკის წევრებმა „ენგურჰესის“ რეაბილიტაციის ფარგლებში მიმდინარე სამუშაოები დაათვალიერეს. „ენგურჰესის“ წარმომადგენლების მხრიდან მოისმინეს სამუშაოების მიმდინარეობის პროცესი.

ამის შესახებ ინფორმაციას ენერგეტიკისა და წყალმომარაგების მარეგულირებელი ეროვნული კომისია ავრცელებს.

მათივე ინფორმაციით, სემეკის წარმომადგენლებთან ერთად „ენგურჰესზე“ მიმდინარე სარეაბილიტაციო სამუშაოებს გაეცნენ საქართველოს ეკონომიკისა და მდგრადი განვითარების მინისტრის მოადგილე დავით თვალაბეიშვილი, სახელმწიფო ელექტროსისტემის სამეთვალყურეო საბჭოს თავმჯდომარე უჩა უჩანეიშვილი, პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე დავით სონღულაშვილი, პარლამენტის რეგიონული პოლიტიკისა და თვითმმართველობის კომიტეტის თავმჯდომარე, სოზარ სუბარი.

„ენგურჰესზე წარმატებით მიმდინარეობს სამუშაოები. ჰიდროელექტროსადგურის რეაბილიტაცია ითვალისწინებს სადერივაციო გვირაბის რემონტს, რომელიც აუცილებელი და მნიშვნელოვანია ავარიული მონაკვეთების შესაკეთებლად და გაჟონილი წყლის მოცულობის შესამცირებლად, რის შედეგადაც „ენგურჰესი“ წელიწადში დამატებით 120 მლნ კვტ.სთ-მდე ელექტროენერგიის გამომუშავებას შეძლებს“, - განაცხადა დავით ნარმანიამ.

გეგმური სარეაბილიტაციო სამუშაოების ჩატარების მიზნით, „ენგურჰესი“ მიმდინარე წლის 20 იანვარს, 3 თვით გაჩერდა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს