კოვიდპანდემიასთან ბრძოლაში გაწეული შრომისათვის ხულოს მუნიციპალიტეტში მედიკოსებს მადლობის სიგელები გადასცეს

ხულოს მუნიციპალიტეტში დასაქმებულ მედიკოსებს კოვიდპანდემიასთან ბრძოლაში გაწეული თავდაუზოგავი შრომისათვის მადლობის სიგელები გადაეცათ.

ამის შესახებ ინფორმაციას აჭარის ავტონომიური რესპუბლიკის უმაღლესი საბჭო ავრცელებს.

საგანგებო სიტუაციების კოორდინაციისა და გადაუდებელი დახმარების ცენტრის, თემის სამედიცინო პუნქტისა და ხულოს "ევექსის" ჰოსპიტალის ექიმებსა და მედდებს, სიგელები აჭარის უმაღლესი საბჭოსა და საქართველოს პარლამენტის მაჟორიტარმა დეპუტატებმა - ფრიდონ ფუტკარაძემ და ანზორ ბოლქვაძემ, ჯანმრთელობისა და სოციალური დაცვის მინისტრმა ნინო ნიჟარაძემ, ხულოს მუნიციპალიტეტის მერმა ვახტანგ ბერიძემ და საკრებულოს თავმჯდომარემ ჯუმბერ დიმიტრაძემ გადასცეს.

„აჭარის უმაღლეს საბჭოში ხულოს, შუახევის, ქედისა და ხელვაჩაურის მაჟორიტარი დეპუტატის ფრიდონ ფუტკარაძის განცხადებით, მედიკოსებმა ქვეყნის ყველა რეგიონში თავდაუზოგავი ბრძოლა გამოუცხადეს პანდემიას და ზოგი მათგანი უხილავ ომს შეეწირა კიდეც. ყველა მედიკოსი იმსახურებს უდიდეს მადლობას ხელისუფლებისა და საზოგადოების მხრიდან, მით უფრო თუ საუბარია მაღალმთიანეთზე, სადაც მკაცრი კლიმატური თუ რელიეფური თავისებურებების გამო, ისედაც საგანგებო რეჟიმში მუშაობენ სამედიცინო სფეროს წარმომადგენლები“, - აღნიშნულია გავრცელებულ ინფორმაციაში.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს