ოზურგეთში, ჭადრების ბაღში ,,ნამახვანჰესის“ მშენებლობის მოწინააღმდეგეების მხარდამჭერი აქცია გაიმართა.
შეკრებილებმა ჰესის მშენებლობა გააპროტესტეს და პროექტის შეჩერება მოითხოვეს.
მათი განცხადებით, აღნიშნული პროექტი ეკოსისტემას, სამეურნეო დარგებსა და ადამიანების ჯანმრთელობას დააზიანებს.
,,რიონის ხეობის დამცველების გვერდით თავიდანვე აქტიურად იდგნენ გურულები. ჩვენ ყველა აქციას ვესწრებოდით და მათ მოთხოვნებს ვიზიარებდით. ბევრი ადამიანი ვერ ახერხებს გუმათში ჩასვლას და მათთან ყოფნას და ამიტომ გადავწყვიტეთ აქ, ამ აქციის გამართვა. სოლიდარობას ვუცხადებთ რიონის ხეობის დამცველებს და მინდა აღვნიშნო, რომ გურიის მდინარეებიც დასაცავია ჰესომანიისაგან, ჩვენთვის ძალიან სასიცოცხლოდ მნიშვნელოვანია, რომ ეს პროექტი გაუქმდეს “, - განაცხადა აქციის მონაწილე ირმა გორდილაძემ.