ეთნოგრაფიულ მუზეუმში ნუმიზმატიკური სივრცე გაიხსნა

გორის ეთნოგრაფიულ მუზეუმში ნუმიზმატიკური სივრცე გაიხსნა. აღნიშნულის შესახებ „ინტერპრესნიუსს“ გორის მერიიდან აცნობეს. როგორც მერიის ინფორმაციაშია აღნიშნული, ღონისძიებას გორის მუნიციპალიტეტის მერი კონსტანტინე თავზარაშვილი, USAID-ის ზრდა პროექტისა და ა(ა)იპ კულტურისა და ტურიზმის განვითარების სააგენტოს წარმომადგენლები, ნუმიზმატები, არქეოლოგები და ისტორიკოსები ესწრებოდნენ.

ახალი სივრცის გახსნამდე გორის მერმა მადლობის სიგელები გადასცა ყველა იმ ადამიანს, ვინც მონაწილეობა მიიღო ნუმიზმატიკური კოლექციის აღდგენაში.

მუზეუმის ახალ სივრცეში წარმოდგენილია სამონეტო განძები და უნიკალური მონეტები. მათ შორის, ყველა აღმოჩენილია მხოლოდ საქართველოს ტერიტორიაზე. მათი ქრონოლოგია იწყება პრემონეტარული პერიოდიდან (ძვ.წ II -I ათასწლეულები) და სრულდება 1834 წლით. ეს კიდევ ერთხელ ადასტურებს იმას, რომ საუკუნეების მანძილზე ჩვენს ქვეყანაში გადიოდა სტრატეგიული მნიშვნელობის სავაჭრო გზები.

ნუმიზმატიკური კოლექციის აღდგენა და ევროპული სტანდარტების ტიპის სივრცის მოწყობა, განხორციელდა USAID/Zrda-ს ფინანსური მხარდაჭერით. აღნიშნული ორგანიზაციის დახმარებით ამავე მუზეუმში მოეწყო საგანმანათლებლო სივრცეც. გარდა ეთნოგრაფიული მუზეუმისა, ამავე პროექტის ფარგლებში ტურისტული ნივთებით აღიჭურვა ნიკო ლომოურის სახელობის მემორიალური მუზეუმიც.

წარმოდგენილი მუზეუმების განვითარების მიზნით, გორის მერიამ გრანტი 2020 წელს USAID-ის ზრდა პროექტის მიერ გამოცხადებულ საგრანტო კონკურსში მოიპოვა.

ეთნოგრაფიული მუზეუმი დამთვარიელებლებს ვირუსის გავრცელების წინააღმდეგ პრევენციული ღონისძიებების ფარგლებში დადგენილი წესებისა და სტანდარტების დაცვით მასპინძლობს.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს