შარლ მიშელი ნიკა მელიას გათავისუფლებაზე - დარწმუნებული ვარ, ყველა აიღებს პასუხისმგებლობას, რომ  შეთანხმებით გათვალისწინებული ვალდებულებები შესრულდეს

დარწმუნებული ვარ, ყველა აიღებს პასუხისმგებლობას, რომ შეთანხმებით გათვალისწინებული ვალდებულებები შესრულდეს, - ამის შესახებ ევროპული საბჭოს პრეზიდენტმა შარლ მიშელმა, საქართველოს პრემიერ-მინისტრ ირაკლი ღარიბაშვილთან შეხვედრის შემდეგ გამართულ ბრიფინგზე, ნიკა მელიას გათავისუფლების მექანიზმებთან დაკავშირებით დასმულ კითხვაზე საპასუხოდ განაცხადა.

შარლ მიშელის თქმით, აქვს შთაბეჭდილება, რომ „არსებობს ძლიერი პოლიტიკური ნება ნაბიჯების სწორი მიმართულებით გადასადგმელად“.

„ეს სანდოობის საკითხია. ჩვენ შევხვდით სხვადასხვა პოლიტიკურ ლიდერს ბოლო დღეების განმავლობაში და მაქვს შთაბეჭდილება, რომ არსებობს ძლიერი პოლიტიკური ნება ნაბიჯების სწორი მიმართულებით გადასადგმელად და სწორი ნაბიჯების გადადგმა ამ შეთანხმების განხორცილებაა“, - განაცხადა შარლ მიშელმა.