საქართველოში Apple-ის ოფიციალური პარტნიორი კომპანია „აიპლიუსი“ აპრილის თვიდან მომხმარებლებს Baseus-ის პროდუქციის განახლებულ ასორტიმენტს სთავაზობს.

როგორც „ინტერპრესნიუსს“ „აიპლიუსიდან“ აცნობეს, Baseus-ის პროდუქცია თავდაპირველად წარმოდგენილი იქნება მანქანის აქსესუარებით, ჭკვიანი მტვერსასრუტებით, დამტენი ადაპტერებით და კაბელებით. ზაფხულიდან კი ასორტიმენტი კიდევ უფრო გაიზზრდება.

როგორც Baseus-ის და Xiaomi-ის პროდუქციის გაყიდვების მენეჯერი ფატი გობაძე აცხადებს, Baseus-ის ორიგინალი პროდუქცია მაღაზიებში 22 აპრილიდან გამოჩნდება.

„როგორც იცით, აპრილის თვეში ხელშეკრულება გავაფორმეთ Xiaomi-ის ბრენდთან, რომელიც საქართველოში ყველაზე დაბალ ფასად იქნება წარმოდგენილი აიპლიუსის მაღაზიებში, თუმცა კიდევ ერთი ძალიან კარგი სიახლე გვაქვს და უკვე 22 აპრილიდან მაღაზიებში Baseus-ის ორიგინალი პროდუქციაც გამოჩნდება. პირველ ეტაზე ჭკვიან აქსესუარებთან ერთად მანქანის და სმარტფონის დამტენი მოწყობილობები გვექნება, თუმცა ზაფხულის თვიდან უფრო გაფართოვდება“, - აცხადებს ფატი გობაძე.

როგორც კომპანიაში აღნიშნავენ, 22 აპრილიდან კომპანიაში მოეწყობა სპეციალური Baseus-ის კუთხე, სადაც თქვენთვის სასურველი პროდუქციის დატესტვას და ახლოდან გაცნობას შეძლებთ.