აჭარის უმაღლესი საბჭოს წევრის ლადო მგალობლიშვილის შეფასებით, "ნაციონალური მოძრაობის" ლიდერი მუდმივად ცდილობს საკუთარი თავი კანონზე მაღლა დააყენოს.

როგორც მგალობლიშვილი აღნიშნავს, ნიკა მელია კატეგორიულად ითხოვს თავის სურვილებს მოერგოს სახელმწიფო და ჩვენი საერთაშორისო პარტნიორები.

„ეს არა და ვერ მოხდება! სამართლებრივ სახელმწიფოში ვერც ერთი ადამიანი ინსტიტუტებს კანონის დარღვევის ხარჯზე ვერ დააშანტაჟებს. დღეს ნიკა მელია ღია საკნის ორპირ ქარში დგას - ან გამოვიდეს, ან შევიდეს, რადგან ასე შეიძლება გაცივდეს და შემდეგ ეს სახელწიფოს და ხალხს დააბრალოს.

რაც უნდა ეცადოს „ნაცმოძრაობამ“, ოპოზიცია მათი დღის წესრიგით აღარ იმოქმედებს. საქართველოში ხელოვნური პოლიტიკური კრიზისი დასრულებულია. ისინი სრულ თამაშგარე სიტუაციაში აღმოჩნდნენ, რითაც სრულად დაუპირისპირდნენ დასავლეთს და გვერდში ამოუდგნენ რუსეთს!“- აცხადებს მგალობლიშვილი, რომლის კომენტარსაც აჭარის უმაღლესი საბჭოს პრესსამსახური ავრცელებს.