შიდა ქართლის გუბერნატორი - რეგიონში კოვიდ 19-ის ფაქტებმა იმატა და ეპიდემიოლოგიური ვითარების გაუარესების ტენდენცია შეინიშნება

რეგიონში კოვიდ 19-ის ფაქტებმა იმატა და ეპიდემიოლოგიური ვითარების გაუარესების ტენდენცია შეინიშნება, რის გამოც კიდევ უფრო გამკაცრდა კონტროლი პრევენციული ღონისძიებების გატარებასა და დადგენილი რეგულაციების აღსრულებაზე, - ამის შესახებ „ინტერპრესნიუსთან" შიდა ქართლის გუბერნატორმა მამუკა საღარეიშვილმა განაცხადა.

„ბოლო დღე-ღამის განმავლობაში საქართველოში გამოვლენილი ინფიცირების 1 226 ახალი შემთხვევიდან 56 დადასტურდა შიდა ქართლში. ამასთანავე, გუშინ გამოვლინდა კორონავირუსით ინფიცირების 39 შემთხვევა, გუშინწინ - 85, აღნიშნული ციფრების საფუძველზე ჩანს, რომ საკმაოდ იმატა რეგიონში კოვიდ 19-ის ფაქტებმა და ეპიდემიოლოგიური ვითარების გაუარესების ტენდენცია შეინიშნება, რის გამოც კიდევ უფრო გამკაცრდა კონტროლი პრევენციული ღონისძიებების გატარებასა და დადგენილი რეგულაციების აღსრულებაზე.

შესაბამისი სამსახურების მხრიდან გამკაცრდა თვითიზოლაციაში მყოფი პირების კონტროლი, პირბადის სწორად მოხმარებასა და დისტანციის დაცვაზე კონტროლი და პარალელურად, მიმდინარეობს პრევენციული ზომების მიღება, რომ თავიდან იქნას აცილებული ხალხმრავალი შეკრებები და სოციალური ღონისძიებები", - აღნიშნა შიდა ქართლის გუბერნატორმა.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!