რუსთავში ომარ გუგეშაშვილის სახელობის ვარსკვლავი გაიხსნა

რუსთავში, საქართველოს დამსახურებულ მწვრთნელს ბერძნულ-რომაულ ჭიდაობაში, ომარ გუგეშაშვილს, 80 წლის იუბილესთან დაკავშირებით, ვარსკვლავი გაუხსნეს. ამის შესახებ „ინტერპრესნიუსს“ რუსთავის მუნიციპალიტეტის მერიიდან აცნობეს.

მათი ინფორმაციით, ღონისძიებას, რუსთავის მერი ირაკლი ტაბაღუა, მერის მოადგილე კახა გურული, სახელოვნებო, სპორტისა და ახალგაზრდობის განვითარების ცენტრის ხელმძღვანელი დავით შანიძე, თავად ომარ გუგეშაშვილი, ოჯახის წევრები და მის მიერ აღზრდილი სხვადასხვა თაობის სპორტსმენები დაესწრნენ.

,,რუსთავის პარკის ერთ-ერთ ხეივანში, დღეს ბერძნულ-რომაულ ჭიდაობაში დამსახურებული მწვრთნელის ომარ გუგეშაშვილის სახელობის ვარსკვლავი გავხსენით, ადამიანის, რომელსაც უამრავი დამსახურება აქვს, როგორც ჩვენი ქალაქის, ასევე ქვეყნის წინაშე, მას აღზრდილი ჰყავს მსოფლიო და ევროპის ჩემპიონები. ბატონმა ომარმა ნამდვილად დაიმსახურა, რომ 80 წლის იუბილეზე, მისი სახელის უკვდავსაყოფად ვარსკვლავი გაგვეხსნა . ძალიან სასიხარულოა ეს ჩვენთვის, ვულოცავ მას 80 წლის იუბილეს, ვულოცავ მის ოჯახს და მთელ სპორტულ სამყაროს“, - განაცხადა რუსთავის მერმა ირაკლი ტაბაღუამ.

ომარ გუგეშაშვილს არაერთი წარმატებული სპორტსმენი ჰყავს აღზრდილი, მათ შორისაა მსოფლიოსა და ევროპის ჩემპიონი, მსოფლიო თასის მფლობელი თემურ ყაზარაშვილი.

„გუგეშაშვილს 2017 წელს რუსთავის საპატიო მოქალაქის წოდება მიენიჭა, ის დღემდე ემსახურება მომავალი ჯანსაღი თაობების აღზრდას.

ვარსკვლავის გახსნის ცერემონიალი რუსთავის მერიის, სახელოვნებო, სპორტისა და ახალგაზრდობის განვითარების ცენტრის ორგანიზებით, ქალაქის ცენტრალურ პარკში გაიმართა“,-აღნიშნულია ინფორმაციაში.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა