ქობულეთის მუნიციპალიტეტში დედამიწის დღე გამწვანების აქციით აღინიშნა. ამის შესახებ ინფორმაციას აჭარის უმაღლესი საბჭო ავრცელებს.
ქობულეთისა და მახინჯაურის მაჟორიტარმა დეპუტატმა უმაღლეს საბჭოში - ცოტნე ანანიძემ, მუნიციპალიტეტის მერთან - მირიან ქათამაძესთან და ხელისუფლების სხვა წარმომადგენლებთან ერთად, ქალაქის ცენტრში მდებარე 9 აპრილის სკვერში დეკორატიული ნაძვები დარგო.
ცოტნე ანანიძის განცხადებით, გამწვანების აქციებს უდიდესი მნიშვნელობა აქვს ჩვენი პლანეტისა და მისი მცხოვრებლებისათვის. მისივე თქმით, სუფთა გარემო და მწვანე ქალაქები ჯანსაღი მომავლის გარანტიაა.