რუსთავის მერია განცხადებას ავრცელებს

რუსთავის მერია განცხადებას ავრცელებს. როგორც განცხადებაშია აღნიშნული, რუსთავში მიმდინარეობს საცხოვრებელი ფართების დაკანონება იმ ოჯახებზე, რომლებიც რამდენიმე ათეული წლის განმავლობაში ცხოვრობდნენ ამა თუ იმ ფართში და არ ჰქონდათ ამ ბინებზე საკუთრების დამადასტურებელი მოწმობა.

„მუნიციპალურ, თუ სახელმწიფო საკუთრებაში არსებული სხვა ფართების დაკავება დაუშვებელია, რადგან ამ შენობების უმრავლესობა, ავარიულ მდგომარეობაშია და მათი საცხოვრებელი მიზნით გამოყენება, საფრთხის შემცველია. ამ ეტაპზე მიმდინარეობს ასეთი ტიპის შენობების შესწავლა ექსპერტიზის შესაბამისი დასკვნის მისაღებად.

მივმართავთ მოსახლეობას, ნუ დაარღვევენ კანონს, ნუ დაიკავებენ მუნიციპალურ თუ სახელმწიფო საკუთრებაში არსებულ ახალ შენობებს, რადგან სახელმწიფო ფართში უკანონოდ შეჭრა და მსგავსი ქმედება, ისჯება კანონით და მისი დარღვევის შემთხვევაში, მოხდება კანონით გათვალისწინებული ზომების მიღება.

ქალაქ რუსთავის მუნიციპალიტეტი კიდევ ერთხელ განმარტავს, რომ ფართების დაკანონება, ხდება მხოლოდ იმ ოჯახებზე, რომელთა ხანგრძლივი, ათწლეულების განმავლობაში ცხოვრების ფაქტი ამა თუ იმ შენობაში, დადასტურებულია", - ნათქვამია მერიის მიერ გავრცელებულ განცხადებაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს