სალხინოს ტაძრის ყოფილი წინამძღვარი - სტეფანეს მონა ვერ გავხდები, მე ქრისტეს მონა ვარ და არა სტეფანესი, შორენასი და რუსების

მარტვილში, სალხინოს ღვთისმშობლის შობის სახელობის ტაძარში ამ დროისთვის სიმშვიდეა. ტაძარში წირვა-ლოცვას მეუფე სტეფანეს მიერ ხელდასმული ახალი მღვდელმსახური აღავლენს.

უფლებამოსილება შეწყვეტილი სასულიერო პირების განცხადებით, ისინი უახლოეს დღეებში ეპარქიის დატოვებას გეგმავენ.

„რაც უნდა ის ქნან. მოვიდეს სტეფანე და დავხვდები, მთელი საქართველოს ხალხი მოიყვანოს. მრევლი ვინც მირეკავს, გავაფრთხილე, რომ არავინ მოვიდეს, მაქსიმალურად მოვერიდოთ, რომ დაპირისპირება არ მოხდეს. წავალ ალბათ, არ არსებობს ადგილი, ღმერთი რომ ვერ ვნახო. ჩვენ თუ წავალთ, ყველა წავალთ, უსამართლობას ვერ შევეგუებით, სტეფანეს მონა ვერ გავხდები. მე ქრისტეს მონა და მორჩილი ვარ, არა სტეფანესი, შორენასი და რუსების“, - აცხადებს მონასტრის ყოფილი წინამძღვარი.

შეგახსენებთ, გუშინ, ჭყონდიდის ეპარქიის სალხინოს ღვთისმშობლის მიძინების მამათა მონასტრის ტაძარში სასულიერო პირები ერთმანეთს დაუპირისპირდნენ.

მამა ათინოგენეს განცხადებით, მონასტერში სასულიერო პირებს შორის დაპირისპირების მიზეზი გახდა ის, რომ ერთ-ერთი ერის კაცი ამბიონიდან „ლოცვის დროს ადამიანებს ასწავლის ჭკუას“.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა