სასულიერო პირები, რომლებსაც ჭყონდიდის მიტროპოლიტმა, მეუფე სტეფანემ მღვდელმსახურება შეუჩერა, მარტვილის სოფელ თამაკონში იმყოფებიან.

როგორც ისინი აცხადებენ, მათ მეუფე სტეფანესთან სურთ გასაუბრება და კითხვები აქვთ, თუ რატომ მოჰყავთ წირვაზე სხავადასხვა ეპარქიებიდან მრევლი. ამასთან მეუფე სტეფანემ, მათ მოსანანიებლად დრო მისცა, თუმცა როგორც ისინი აცხადებენ, ბოდიშის მოხდას არ აპირებენ.

"ერთი კითხვა მაქვს, მან რატომ არ მიმართა ეპარქიის მრევლს და რატომ მიმართა საქართველის მოსახლეობას. მას უნდა მიემართა ჯერ სოფლის მოსახლეობისთვის, მერე ეპარქიის მრევლისთვის, მოდით წირვაზე და პრობლემა მოვაგვაროთ. უპროგნოზო კაცია და მისგან ყველაფერს ველოდებით", - განაცხადა მამა დანიელმა.