„ჯეოქეისის“ ვებინარების სერიის ფარგლებში, ონლაინ დისკუსია „რას ნიშნავს უსაფრთხოება დღეს საქართველოსთვის“ გაიმართა

ანალიტიკური ორგანიზაცია „ჯეოქეისის“ ვებინარების სერიის ფარგლებში, ონლაინ დისკუსია „რას ნიშნავს უსაფრთხოება დღეს საქართველოსთვის“ გაიმართა. ამის შესახებ „ინტერპრესნიუსს“ „ჯეოქეისიდან“ აცნობეს.

„ჯეოქეისის“ ორგანიზებით დაიწყო ვებინარების სერია თავდაცვისა და უსაფრთხოების თემაზე, რომლის მიზანია, საქართველოს უსაფრთხოების გარემოს, მისი თავდაცვის მოწყობის პრინციპებისა და სისტემების განვითარების საკითხების ფართოდ განხილვა.

სერიის ფარგლებში გამართულ პირველ ონლაინ დისკუსიას მოდერატორობას უწევდა „ჯეოქეისის“ თავდაცვის მიმართულების დირექტორი, გიორგი ანთაძე, რომელმაც ყურადღება გაამახვილა ეროვნული უსაფრთხოების ფუნდამენტურ პარადიგმებსა და თეორიულ მეთოდოლოგიებში ღირებულებების მნიშვნელობაზე.

„თითქოს მარტივია პასუხის გაცემა კითხვაზე რას ვიცავთ, ვისგან ვიცავთ და როგორ ვიცავთ, -სინამდვილეში ეს საკმაოდ რთული შეკითხვაა და სწორედ ამ კითხვებზე პასუხი უდევს საფუძვლად სახელმწიფოების ეროვნული უსაფრთხოების პოლიტიკისა და სტრატეგიის დოკუმენტებს, რომელთა გააზრება და იმპლემენტაცია წარმოადგენს სახელმწიფოების ამოცანას თავდაცვისა და უსაფრთხოების მიმართულებით“,-აღნიშნა გიორგი ანთაძემ.

ვებინარზე მოწვეულმა სპიკერებმა, გენერალ-ლეიტენანტმა, ფილოსოფიის დოქტორმა, დავით თევზაძემ და საქართველოს უნივერსიტეტის პროფესორმა, შალვა ძებისაშვილმა განიხილეს თუ რას ნიშნავს უსაფრთხოება თანამედროვე ტენდენციების გათვალისწინებით დღეს საქართველოსთვის.

პროფესორმა შალვა ძებისაშვილმა დისკუსიისას ისაუბრა თავდაცვისა და უსაფრთხოების მიმართულების განვითარებისას საყოველთაო საზოგადოებრივი-პოლიტიკური კონსენსუსის მნიშვნელობაზე, სამოქალაქო საზოგადოების განათლებასა და აქტიურ ჩართულობაზე. მან ასევე თავდაცვისა და ეროვნული უსაფრთხოების სტრატეგიული დოკუმენტის პრინციპები მიმოიხილა.

„ჩვენ უნდა ვიცოდეთ რა გვინდა და მოქალაქეობრივი პასუხისმგებლობის გააზრებით, ვიღებდეთ პროცესებში მონაწილეობას. ეროვნული უსაფრთხოების სტრატეგიული დოკუმენტი საყოველთაო კონსესუსის საფუძველზე იქმნებოდეს და გამორიცხავს პოლიტიკურ მონოპოლიზებას, რაც ჩვენს პოლიტიკურ რეალობაში დიდი გამოწვევაა და აგდებს ჯანსაღი კალაპოტიდან“, -განაცხადა შალვა ძებისაშვილმა.

გენერალ-ლეიტენანტმა, ფილოსოფიის დოქტორმა, დავით თევზაძემ ხაზი გაუსვა თავდაცვისა და ეროვნული უსაფრთხოების და სხვ მიმართულებით სახელმწიფო პოლიტიკის განსაზღვრისას ღირებულებებისა და გარემოს სტრატეგიული შეფასების მნიშვნელობაზე.

„ყველაფრის დასაწყისი ღირებულებებია და ეს პასუხობს კითხვას- რა მიზნის განსახორციელებლად არსებობს სახელმწიფო? მოცემულ საზოგადოებაში სწორედ სახელმწიფოს მიზნებში ხდება ღირებულებების რეალიზაცია, რის შემდგომაც, გარემოს სტრატეგიული შეფასების საფუძველზე, ლოგიკურად ეწყობა ზოგადი პოლიტიკისა თუ კონკრეტულად სამხედრო პოლიტიკის თანმიმდევრული ჯაჭვი იმისთვის, რომ სახელმწიფომ ამოცანის შესრულება საკუთარი მოქალაქეებისთვის შეძლოს,“-განაცხადა დავით თევზაძემ.

დისკუსიის ბოლოს მისმა მოდერატორმა, გიორგი ანთაძემ შეაჯამა მსჯელობების სერიის პირველი ნაწილი, რომელიც სტრატეგიული აზროვნების თეორიული საფუძვლებისთვის უმნიშვნელოვანესი გასააზრებელი სამი კითხვიდან - რას ვიცავთ, ვისგან ვიცავთ და რითი ვიცავთ, პირველი შეკითხვას ეძღვნებოდა და დაინტერესებულ საზოგადოებას თავდაცვისა და უსაფრთხოების ვებინარების სერიის ფარგლებში აღნიშნული მიმართულებით მორიგ საინტერესო დისკუსიებს დაჰპირდა.

იხილეთ ონლიან დისკუსია „რას ნიშნავს უსაფრთხოება დღეს საქართველოსთვის" -https://bit.ly/3eqQlPe

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება